Туган тел – һәркем өчен дә кадерле булган мирас. Татар халкы өчен апрель ае бигрәк тә үзенчәлекле булып санала. Без язны тагын да ямьләндереп җибәрә торган бәйрәмнәр, бөек шагыйребез – Габдулла Тукайның туган көне һәм Туган тел көне булу белән чиксез бәхетлебез.
Бүген, 26 нчы апрель, Габдулла Тукайның тууына 135 ел тулу уңаеннан лицеебызда “Безнең күңелләрдә син, Тукай” дип исемләнгән бик матур әдәби-музыкаль чара узды.Бу чарада халкыбызның сөекле улы, шагыйрь Г.Тукайның тормышын һәм иҗат юлын искә алдык. "Тукай безнең күнелләрдә "дигән исем астында китап күргәзмәсе тәкъдим ителде.Чарада укучылар Г.Тукайның шигырьләрен яттан сөйләделәр, әкиятләрен сәхнәләштерделәр. Укучылар үзләренең татар рухлы булуларын, Габдулла Тукайга карата хөрмәт хисләрен, туган телләренә карата мәхәббәтләрен шагыйребезнең әдәби әсәрләрен уку аша белдерделәр.
Вакытлар узган саен, Тукайның бөеклеге, иҗатының нихәтле тирән һәм нәфис булуы, илаһи куәте, рухи матурлыгы тирәнрәк ачыла бара. Тукайны без олылыйбыз, зурлыйбыз. Габдулла Тукай – татарларны бөтен дөньяга таныткан шагыйрь. Шагыйрь яшәгән еллардан ераклашкан саен, аның иҗатының бөеклеге, асыл мәгънәсе тагын да куәтлерәк һәм тирәнрәк ачыла бара. Даһиларның гомере халык хәтере белән исәпләнә. Тукай бүген дә әдәбиятның алгы сафында баруын дәвам итә, бүген дә милли аң үсешенең юлбашчысы булып кала килә. Заман тудырган һәм милләтне борчыган бик күп сорауларга җавапны Тукай әсәрләреннән табарга мөмкин.

Поздравляем Николаеву В., обучающуюся 10 класса лицея , победительницу X республиканского конкурса красоты и талантов !!!Молодец , Виолетта!!!