Мәктәптә тарих һәм җәмгыять белеме укытучысы Махмутова А.Р. "Парламент дәресе" үткәрде. Дәрестә авыл җирлеге башлыгы, авыл советы депутаты Абдрахманов Н.Ш. катнашты.Дәрес Татарстан Республикасы Конституциясенең 25 еллыгына багышланды. Депутат укучыларның бик күп сорауларына җавап бирде.

Халыкта “Эш беткәч, уйнарга ярый”  дигән әйтем бар. Менә бүген без елдагыча “Көзге бал”бәйрәмен үткәрдек.

Бакчага ямь биргән кебек,

Кичәбез дә ямьләнде.

Әйтерсең, мәктәп бүлмәсе

Чын бакчага әйләнде.

Бүген мәктәптә ата-аналар җыелышы үткәрелде. Алар укыту планындагы үзгәрешләр белән таныштылар.

Газета-журнал алдырган, укучы баласы булган гаиләләрдә иске китап-дәфтәр, кәгазь ише әйберләрне кая куярга белми аптырыйлардыр. Кирәкми дип, теләсә-кая алып чыгып яндырып булмый, чүпкә ташларга кызганыч. Экология елы уңаеннан, әнә шундый кәгазь әйберләр яки макулатура җыю буенча “Макулатура тапшыр – бер агачның гомерен саклап кал” дигән акция үтте. Төрле күләмдә картон, иске журнал, газета һәм целлюлоза чүбен тапшырырга мөмкин. Бу – без чүптән котылабыз, ә бер агач исән кала дигән сүз. 100 килограмм кәгазь ясау өчен 1 агачны кисәргә кирәк булуын бәлки әле күпләр белмидер дә. Димәк, никадәр файдалы гамәл дә башкардык. Бу чарада укучылар бик теләп катнаштылар. Молодцы!

Бүген, "Әтиләр советы" ярдәме һәм укытучылар коллективы белән, мәктәп идәненә линолеум җәелде. Әтиләребезгә бик зур рәхмәт, алдагы көннәрдә дә аларның ярдәмен тоеп яшәсәк иде!

Сөекле укытучыларыбыз! Бәйрәмегез белән сезне! Уңышларыгызга сөенеп, бәхет хисе кичереп яшәгез. Һәр таңны сау-сәламәт каршылагыз, замана авырлыклары, күңел төшенкелеге сезне читләтеп үтсен! Бәхетле булыгыз!

 Укытучы!

Кирәк чакта җитез дә син, тапкыр да син,

Кирәк чакта сабыр да син, батыр да син,

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

ТИН укытучысы Гилманов Марат Тәлгат улы, укучылар өчен, ГО дәресе үткәрде

Котлы булсын күркәм бәйрәмегез

Саулык теләп, зурлап дәшәбез.

Игелекле хезмәтегез өчен

Хөрмәт тоеп озак яшәгез!