Бүген хәрби-патриотик айлык кысаларында "Аҗаган" уены үтте. Укучылар ике батальонга бүленеп, "Развечиклар", "Эстафетчиклар", "Снайперлар", "Медиклар" булып, төрле ярышларда көч сынаштылар. Ә ике батальон "Редколлегия" се һәр ярышны күзәтеп язып барып, ахырдан нәтиҗәләр белән, хәрби газета чыгардылар.

Бүген мәктәптә Халыкара Туган тел көне билгеләп үтелде. Әдәби-музыкаль кичә шигырьләр, җырлар, мәкальләр, курайда уйнаулар белән үрелеп барды. Соңыннан, гимн буларак, "Туган тел" җыры башкарылды.

Бүген мәктәптә хәрби - патриотик айлык кысаларында, 5 - 9 нчы сыйныфлар арасында, "Чаңгы ярышы - 2019!" булды.

Бу көннәрдә мәктәптә хәрби-патриотик айлык бара. Шул уңайдан мәктәптә башлангыч сыйныфлар арасында "Күңелле стартлар" һәм 5-9 нчы сыйныфлар арасында теннис, 1-9 нчы сыйныфлар арасында шашка  ярышлары узды. Бөтен нәтиҗәләр дә айлыкның соңгы көнендә әйтеләчәк һәм җиңүчеләр бүләкләнәчәк.

Бүген мәктәбебездә, авыл китапханәсе белән берлектә, Муса Җәлилнең тууына 113 ел тулуга багышланган "Тормышта батырлыкка урын бар" дип исемләнгән әдәби-музыкаль кичә үткәрелде.

Районда уздырылган "Татарстанның чаңгы юллары" дигән ярышта мәктәпнең җыелма командасы ( 7нче сыйныф укучылар - Мифтахова Сөмбел, Нигматуллин Илнур; 8нче сыйныф укучысы - Халитова Ләйсән) уңышлы гына чыгыш ясадылар. 

7 нче сыйныф җитәкчесе - Нургалиева Гүзәлия Фәрит кызы, "Сыйныф җитәкчесе - 2019" бәйгесенең муниципаль этабында катнашып бик уңышлы гына чыгыш ясады. Бу бәйгедә ул финалист булды. Афәрин, котлыйбыз! 

Патриотик - тәрбия айлыгы кысасында мәктәптә сыйныфлар арасында өстәл теннисы, шашка, башлангыч сыйныфлар арасында "Күңелле стартлар" ярышлары булып узды. Җиңүчеләрне барлагач, линейкада йомгаклау булачак.

Районда уздырылган "Салкында канатлы дусларга булышыйк!" акциясенә кушылып, 4 нчы сыйныф укучылары бик матур заманча җимлекләр ясап, үзләренең җимлекләрен тиз арада мәктәп алдындагы агачларга, куакларга урнаштырып та куйдылар. "Рәхим итегез, кошкайларыбыз!"- диясе генә калды.