Бүген мәктәптә "Тату сыйныф серләре" конкурсының куст туры булып үтте. Кайбыч, Яңа Чәчкап, Кыят, Рунга мәктәпләре арасында ярыш булды. Безнең мәктәптән 9 нчы сыйныф укучылары һәм сыйныфның әти-әниләр комитеты катнашып, икенче урын яуладылар. 9 нчы сыйныф укучыларын һәм аларның сыйныф җитәкчеләре Сафиуллина Гөлия Фәгим кызын бу зур җиңүләре белән котлыйбыз! Афәрин!!!

Бүген мәктәп яны территориясе көзге яфраклардан чистартылды. Укытучылар да, укучылар да бик актив булдылар!!!

“Татарча диктант – 2019” белем бирү акциясе 19 октябрь көнне 13:00 сәгатьтә безнең мәктәптә дә узды. Акциядә мәктәп укучылары, укытучылар, хезмәткәрләр авыл халкы да актив катнаштылар.

Сегодня прошла товарищеская втреча учащимися Верхнелащинской школы в рамках Спартакиада школьников.

Бүген мәктәптә үзидарә көне, 8-9 нчысыйныф укучылары үзләре укытучылар ролендә иделәр.Максат- үзләрен укытучы-дублёр ролендә сынап карау иде. Алар бу эшләрне бик теләп һәм бик төгәл итеп башкардылар.Балалар әлеге һөнәрнең авыр икәнен, балаларга белем бирү - сабырлык һәм түземлек соравын аңладылар. Мондый чара,5 нче октябрь - Укытучылар көне уңаеннан оештырылды.

Өлкәннәр һәм укытучылар көне уңаеннан, мәктәптә зур бәйрәм оештырылды. Бәйрәмгә, мәктәптә озак еллар эшләп лаеклы ялда булган укытучылар, тәрбиячеләр, хезмәткәрләр дә чакырылды. Укучылар укытучыларга һәм өлкәннәргә җыр, бию, шигырьләр бүләк иттеләр. Бәйрәм чәй табыны белән тәмамланды