Бүген 8 Март-Халыкара хатын-кызлар көне. Гимназиядә бәйрәм уңаеннан төрле чаралар оештырыла. Мәктәп фойесында иртән музыка яңгырап тора. Гимназиядә белем алучы ир балалар хатын-кызларны һәм укучы кыз балаларны бәйрәм белән котлыйлар. Бәйрәм соңыннын актлар залында дәвам итәчәк.

Бүген гимназиядә Халыкара хатын-кызлар көне уңаеннан "Гимназия гүзәле" бәйгесе үткәрелде. Бәйгедә 9-11 сыйныф кызлары катнаштылар. "Гимназия гүзәле"дип 10 сыйныф укучысы Садыкова Зилә танылды. Котлыйбыз!

"Гимназия гүзәле" бәйгесенең биремнәре арасында тамашачыларны гайләдә буыннан буынга күчеп килүче мирас  белән таныштыру бар иде. Һәр конкурсант үз гаиләсенең искиткеч гаилә иҗаты белән таныштырды

10 сыныф укучысы Садыкова Зилә гаилә иҗаты белән таныштырды. Ул бабаларыннан күчеп килгән, гаиләдә    саклана торган  фотоаппаратларнын төрләрен һәм үзенең хыяллары белән таныштырды.

    Менә  язның беренче аена да аяк бастык. Мартның беренче көннәрендә дөнъяның иң гүзәл зат ияләренең бәйрәме билгеләп үтелә. Шул уңайдан шәһәребезнең М Вахитов  исемендәге гимназиясендә “Буыннар сулышы” дип аталган кичә үткәрелде. Кичәгә гимназиянең өч буын выкилләре җыелды - дәү әниләр, әниләр һәм оныкчыклар. Гимназия сәхнәсендә өч команда конкурс биремнәренә нигезләнеп фикер йөртте. Биремнәрдә гөреф-гадәтләр, әби-бабаларыбыздан калган әкиятләр, җырлар бар иде. Шунысы кызык: һәр буының үз фикере, биремнәрне үзенчәлекле чишүләре белән аерылып торды. Тамашачы – иң гадел жюри. Иң кызыклы әкият сөйләүче, иң матур җыр көйләүче дәү әниләр командасында булып чыкты. Чөнки җылы назын биреп үстергән, әниләребезне, оныкларыбызны тәрбияләгән дәү әниләрдә искиткеч сихри “Ак әбиләр” назы саклана.

    Конкурс биремнәредә өч буынны төрле рольләргә куеп үз-узләрен сынап карау да күзалланган иде. Дәү әниләр, әниләр  үзләрен оныкчыклар урынына куеп төрле ситуацияләр чишеп карадылар. Чыннан да, бала булуы бик кыен икән. Бәйрәмдә балаларга  авыр вакытларында  ярдәм кулын сузырга кирәклеге дә билгеләп үттелде.  Бәйрәмнең кульминациясе булып һәр буын, бер-берсенә мәрәҗагать итеп, матур җылы сүзләр әйттеләр. Дәү әниләр – кызларына, оныкчыкларына, әниләр үзләренең әниләренә, кызларына, оныкчыклар – әниләренә, дәү әниләренә җылы, назлы, матур теләкләрен  җиткерделәр.

   Киләкчәктә дә,  бер-береңне хөрмәтләп, олылап, татар халкының   гореф-гадәтләрен, йолаларын онытмыйча, буыннар арасындагы җылылыкны саклап яшәргә язсын.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

Бүген гимназиябездә иң нәни дусларыбызның зур бәйрәмнәре булып үтте. Алар Әлифба белән саубуллаштылар. Бәйрәмгә әти-әниләр, кунаклар килде. Алар җырладылар, шигырьләр сөйләделәр, табышмакларга җаваплар таптылар. Ахырдан бүләкләр алдылар. Бәйрәм бик  матур үтте. Соңыннан балаларга әти-әниләр мультфильмнар күрсәттеләр.