18 апрель көнне "Ак чәчәк" балалар бакчасында бөек Тукаебызның туган көненә багышланган зур бәйрәм чарасы үтте. Халкыбыз бөек Тукаен беркайчан да онытмас. Шул очрактан бакчабызда да Тукаебызның иҗади тормышын искә төшереп, аның шигырьләрен балалар яттан сөйләделәр, шагыйрь иҗаты турында презентация карадылар,  рәсемнәр буенча әсәрләрнең  исемнәрен әйтүдә ярыштылар. Гаилә елы уңаеннан  бәйрәмебез ата- аналар белән берлектә Тукайның "Кәҗә белән сарык" әкиятен сәхнәләштереп дәвам итте. Кичәбез бөтендөнья татарлары җырлый торган җыр белән тәмамланды. Ул үзеннән-үзе татар халык гимнына әверелгән -Тукай сүзләренә җырлана торган мәңге яшәр гимн "И туган тел..."   Бәйрәмебез бик матур һәм күңелле узды. Изге туган телебезгә - Тукай кебек тугры булып калырга язсын!