Бүген безнең бакчада М.Җәлилнең туган көненә багышланган Хәтер кичәсе узды. Тәрбиячеләр М. Җәлилнең "Ана бәйрәме" поэмасын сәхнәләштерделәр. Поэманың эчтәлегендә сугыш хәсрәтен күргән, балаларын югалткан ананың кайгысы чагыла. Аналар өчен бала хәсрәтеннән дә авыррак хәсрәт юк. Ике улын югалткан хәсрәтле Ана соңгы юанычы, өмете − кече улының язмышы өчен борчыла. Ил азатлыгы өчен көрәштән өченче улы җиңүче сыйфатында кайта. Ананың шатлыгына чик-чама юк, алсу байракка күзләрен сөртә − күзе ачыла. Ил шатлыгы белән аның йөрәк ярасы да төзәлә.
Балалар зур игътибар белән карадылар. Балаларыбыздан үз иленең чын патриотлары үсәр дип өметләнеп калабыз.