19 апрель көнне "Ак чәчәк" балалар бакчасында зур итеп шигырь бәйрәме узды. Бәйрәм бөек Тукаебызның туган көненә багышланган иде. Халкыбыз бөек Тукаен беркайчан да онытмас, шул очрактан бакчабызда да Тукаебызның иҗади тормышын искә төшерер өчен, аның шигырьләрен яттан сөйләүчеләр конкурсы үткәрелде. Конкурста 24 бала катнашты, алар бакчабызның төрле төркемнәренә йөриләр. Бәйрәм бөтендөнья татарлары җырлый торган җыр белән башланды. Ул үзеннән-үзе татар халык гимнына әверелгән -Тукай сүзләренә җырлана торган мәңге яшәр гимн "И туган тел..." Балалар Тукаебызның шигырьләрен сөйләделәр, аның сүзләренә язылган җырлар башкардылар һәм кечкенә спектакль күрсәттеләр. Шигырь конкурсы бик матур һәм күңелле узды. Изге туган телебезгә - Тукай кебек тугры булып калырга язсын!