Туган телгә хөрмәт, ярату, кызыксыну тәрбияләү максатыннан бүген безнең "Ак чәчәк " балалар бакчасында, якынлашып килүче, Халыкара туган тел көненә багышланган кичә уздырылды. Безнең туган телебез нинди генә булмасын татар, рус, чуаш телеме һ.б., туган тел һәр милләт өчен газиз һәм кадерле. Безнең балалар бакчасында да Халыкара  туган тел көнен үткәрү матур традициягә әйләнде . Кичәдә балалар һәм педагоглар катнаштылар. Балалар татар, рус, чуаш делегацияләре вәкилләре булып килделәр. Туган телләрендә шигырьләр сөйләделәр, татар, рус һәм чуаш биюләрен биеделәр һәм  халык уеннары уйнадылар. Бәйрәмдә без һәр халыкның мәдәниятенә чумдык һәм җылы дуслык һавасы белән суладык.