23 нче октябрь көнне башлангыч сыйныфларда “Сөйкемле Сөмбелә” исеме астында уңыш бәйрәме узды. Бәйгедә 2, 3, 4 нче сыйныф кызлары катнашты, көч сынашты. Бәйге булгач уен-ярышсыз булмады, әлбәттә. Кызлар тапкырлыклары, зирәклекләре, җитезлекләре ягыннан сыналдылар. Төрледән-төрле мавыктыргыч уеннар оештырылды. Мәсәлән: 1) танышу; 2) Көзнең матурлыгын, күркәмлеген, муллыгын мактап шигырь сөйләү; 3) “Кем күпме яфрак җыя?”; 4) яшелчәләр, җиләк-җимешләрне аерып яз; 5) Өй эше “Сюрприз” әзерләп килү кебек һәм тагын да күп бәйгеләр узды. Кызларга бик ошады. Гомумән, яраттылар. Малайлар да читтә калмадылар – табышмак, сорауларга җавап бирделәр, төрле уеннар уйнадылар. Ахырдан Икмәк кадере турында шигырьләр дә сөйләп киттеләр. Җыр-биюләр белән аралаштарып барылды. Бәйрәмнең Сөйкемле Сөмбеләсе итеп жюри  Гайфуллина Хәбибәне ( 3 класс) тапты. Гимадиева Г.(4 класс) 2 урын, Фәйзрахманова А.(4 класс) 3 урын яуладылар. Котлыйбыз!!!