1-4 сыйныфларда Сталинград сугышының 70 еллыгына багышланган, “Сталинградның 200 төне һәм көне” исемле сыйныф сәгате үтте. Укытучы Абдуллина Р. М. укучыларга Бөек Ватан сугышы, бу сугышта илебез халкының күрсәткән батырлыгы һәм сугыш елъязмасының иң куркыныч бер   өлеше    булган Сталинград сугышы турында тетрәндергеч итеп сөйләде. Аннары укучылар Сталинград сугышына багышланган видеоязма карадылар. Класс сәгатендә сөйләнелгән вакыйгаларга бер укучы да битараф калмады, үз кичерешләрен башкалар белән уртаклаштылар.

6 – 7 сыйныф укучылары өчен  Сталинград сугышында җиңүгә  70 ел уңаеннан “Тиңдәшсез батырлык күрсәтеп ” темасына класс сәгате күрсәтелде. Дәрестә бу сугышта җиңүнең хәлиткеч булуы, җиңүгә ирешү өчен каты дисциплина урнаштыру чаралары турында, анда катнашучы  хәрби җитәкчеләр аталды. Сталинград сугышында тарихка кереп калган “Павлов йорты” күрсәтелде. Герой кала исеме бирелү, “Сталинград оборонасы өчен” медале булдыру һ.б. турында укучылар мәгълүмат алды. Герой – шәһәр турында видео күрсәтелде. Класс җитәкчеләре Ахметзянова ф.Х., Хаттапова Ф.С.