17-24 нче апрель көннәрендә 5 нче Бөтенроссия финанс грамоталылыгы атналыгы узды.Аның темасы “Финансовая грамотность в цифровом формате-будь в курсе!” дип аталды. Атналык кысаларында укучылар тарих укытучысы Камалиева Г.З.җитәкчелегендә  төрле чараларда катнаштылар. Төрле темаларга вебинар дәресләрдә булдылар. (“Зарабатывать с банковской картой”,  “Все про кредит или 4 правила, которые помогут”, “Вклады. Как сохранить и преумножить”). “Инфоурок” проекты буенча финанс грамоталылыгы марафонында катнашып сертификатлар алдылар.

  26 нчы апрель көнне укучылар Бөек Ватан сугышы тарихы буенча он лайн тест үттеләр. Барлыгы 20 укучы катнашты.Укучылар бик тырышып 30 тест соравына җаваплар бирделәр.

    26 нчы апрель көнне мәктәбебездә  Г. Тукай әсәрләреннән китапханә тарафыннан оештырылган  китаплар  күргәзмәсе эшләде.

26 нчы апрель Г.Тукай туган көнгә укучылар бик тырышып әзерләнделәр. Һәр сыйныф укучылары үзләре яраткан әсәрләре буенча макетлар, рәсемнәр ясадылар. Аларны залга куеп, һәркем таныша алды. Бәйрәм Г.Тукай әсәрләре буенча сәхнәдә дәвам итте.

    Г.Тукайның туган көне уңаеннан уздырылган “Театр сәнгатендә Г.Тукай эзләре” дигән чарада 1-2 нче сыйныф укучылары Г.Тукайның “Кызыклы шәкерт” шигырен сәхнәләштереп күрсәттеләр.

   3 нче сыйныф укучылары Г.Тукайның “Бала белән Күбәләк” шигырен бик матур итеп уйнадылар.

   4 нче сыйныф укучылары Г.Тукайның туган көненә бүләк итеп, аның “Эш беткәч уйнарга ярый” дигән шигырен зур осталык белән сәхнәләштереп күрсәттеләр.

 6 нчы сыйныф укучылары Г.Тукайның “Кәҗә белән Сарык” әкиятен сәхнәләштереп уйнадылар.

  7 нче сыйныф укучылары Г.Тукайның “Кояш илә Яңгыр” шигырен сәхнәләштерделәр.

8 нче сыйныф укучылары башкаруында Г.Тукайның “Пар ат” шигыренә язылган җыр  Г.Тукай туган көн бәйрәменә тагын да бер нур өстәде.