Балаларга әдәп - әхлак тәрбиясе булдыру, авыр вакытта ярдәмгә килү, тере табигатькә, олыларга мәхәббәт тәрбияләү, тормышта кыен ситуацияләрдән чыгу юлларын табу – боларның барысына да Тукай шигырьләре һәм әкиятләре аша җиткереп була. Әгәр дә, балалар үзләре үк бу әсәрләрне сәхнәләштереп уйнасалар, бу икеләтә отышлы. Бездә быел да Тукай бәйрәме шул юнәлештә үтте. Мәктәпкә әзерлек һәм зурлар төркеме тәрбияләнүчеләре тамашачыларга Тукайның «Кызыклы шәкерт», «Фатыйма белән Сандугач», «Эш беткәч уйнарга ярый», «Безнең гаилә» шигырьләрен сәхнәләштереп күрсәттеләр. Иллюстрацияләр буенча «Су анасы», «Шүрәле», «Кәҗә белән Сарык» әкиятләрен танып белделәр. Бу чыгышлар, шул ук әсәрләргә төшерелгән мультфильмнар белән ныгытылып барды. «Тукай абыйда кунакта» тамашасы «Туган тел» җырын җырлап тәмамланды.