Бөгелмә шәһәренең 18нче «Кыңгырау» балалар бакчасы мәктәпкә әзерлек һәм зурлар төркеме тәрбияләнүчеләре тәрбиячеләр: Екатерина Павловна, Маргарита Вениаминовна җитәкчелегендә 20нче номерлы «Ладушки» балалар бакчасының «Туган ягым тарихы» музеенда кунакта булдылар. Очрашу вакытында «Нәрсә ул – музей?» дигән темага әңгәмә үткәрелде, «Рус-татар көнкүреше музее» видеофильмы тәгъдим ителде. Балалар музей экспонатлары турында белемнәре белән уртаклаштылар. Экспонатлар белән якыннан таныштылар. Кайбер экспонатларны күргәч, балалар гаҗәпләнүләрен, соклануларын яшереп кала алмады, беренче тапкыр күрүләре турында сөйләделәр. Бу очрашу балалар күңелендә якты эз калдырыр дип ышанып калабыз. Музейда алган хис-тойгылар аларның күңелләрендә мәңге сакланыр!