Әгәр дә, балалар үзләре үк бу әсәрләрне сәхнәләштереп уйнасалар, бу икеләтә отышлы. Бездә быел Тукай бәйрәме шул юнәлештә үтте. Мәктәпкә әзерлек һәм зурлар төркеме тәрбияләнүчеләре тамашачыларга Тукайның «Кызыклы шәкерт», «Бала белән Күбәләк», «Бу кайсы вакыт?», «Безнең гаилә» шигырьләрен һәм «Су анасы», «Шүрәле» әкиятләрен күрсәттеләр. Бу чыгышлар, шул ук әсәрләргә төшерелгән мультфильмнар белән ныгытылып барды. «Тукай әсәрләре буенча мультсәяхәт» тамашасы «Туган тел» җырын җырлап тәмамланды.