Театр – ул һәрвакыт табышмак, көтелмәгән хәлләр, могҗизалар. Ике пәрдәлек әсәрне балалар бер сулышта карады. Алар Кәҗәне Бүре алып киткәч бик кайгырды. Озак кайгырырга туры килмәде, ярдәмгә эт Акбай, Гали һәм Сарык килеп, явыз Бүрене куып җибәрде. Бу хәлгә Тычкан белән бергә балалар да бик куанды. Галинең «Дус булыйк! Тату булыйк!», дигән сүзләре нәни тамашачыларга үгет-нәсихәт булып яңгырады. Тамашачылар нәни артистларны алкышларга күмеп рус һәм татар телендә рәхмәт сүзләрен җиткерде. Рольләрне 11нче зурлар рус төркеме балалары: Гали – Макаров Арслан, эт Акбай – Ерхов Роман, Кәҗә – Пятаева Анастасия, Сарык – Баканова Дарья, Тычкан – Лебедева Амелия, Бүре – Чубин Роман башкарды. Театр татар милли көйләре белән үрелеп барды.              Театрны әзерләүдә һәм сәхнәгә куюда ярдәм иткән тәрбиячеләребез: Бадртдинова Гөлнара Әбүзәр кызы, гримм ясаучы Рассохина Галина Николаевна һәм оператор Нуреева Ләйсән Хәлим кызына олы рәхмәтемне белдерәм.

                                                                                                                                                             Язманы татар теле тәрбиячесе Минегулова Алсу Гаяз кызы әзерләде

                                                                                                                                                             Фотолар авторы Нуреева Ләйсән Хәлим кызы