Ул Татар Димскәсе авылында укытучылар гаиләсендә туган. Әтисе мәктәп директоры, әнисе укытучы булып эшләгән. Булат Шаһинурович кечкенәдән рәсем ясау белән мавыккан һәм иҗатлары белән шаккатырган. Гашек музеена күрсәтү өчен зур булмаган этюдларны рәссамның тормыш иптәше Мәдинә Сабир кызы тапшырган. Күргәзмәдә гаиләгә, табигатькә, туган якка, илгә мәхәббәт, патриотик хисләрне чагылдырган рәсемнәр бар. Балалар бу күргәзмәгә татар теле тәрбиячесе Минегулова Алсу Гаязовна һәм музыка җитәкчесе Часовская Лидия Ивановна белән сәяхәт кылдылар. Бу сәяхәт балалар күңелендә матур хис-тойгылар калдырды.