Бәйгедә катнашырга алты тәрбияче теләк белдерде. Алар дүрт турда катнашып балалар бакчасы өчен программада  бирелгән сүзлек минимумы нигезендә үзара аралашу күнекмәләрен күрсәтте, яңа уеннар тәкъдим итте, үзләре белән татар телендә таныштырды, татар яки рус сүзләрен рус яки татар теленә тәрҗемә итеп, белемнәре белән уртаклашты. «Инновацион фикер» номинациясенә  Котлова Елена Иван кызы лаек булса, «Иң яхшы тәрҗемәче» булып Лашкова Алина Александр кызы танылды. «Ирекле микрофон» номинациясендә Вафина Людмила Анатолий кызы беренчелекне яулады.  Галиахметова Надежда Владимир кызы һәм Насибулина Людмила Валерий кызы - икенче, өченче урынга лаек булса, беренче урынны барлык турларда да югары бәягә ия булган тәрбиячебез – Кудряшова Анастасия Владимир кызы яулады.  Кызларга алдагы эшләрендә уңышлар теләп калабыз.