Татар халкының бөек шагыйре Г.Тукайның туган көненә багышлап балалар бакчасында  “Тукай әсәрләре буенча мультсәяхәт” дип аталган күңел ачу иртәсе булып үтте.

Зурлар һәм мәктәпкә әзерлек төркеме балалары шагыйрь тормышы турындагы белемнәрен тагын бер кат ныгыттылар. Экранда бирелгән иллюстрацияләрне, авторның нинди әсәренә туры килүен әйтеп, сәхнәләштерделәр, “Татар мультфильм” студиясе иҗат иткән мультфильмнар белән беркеттеләр.

Яшь артистлар уйнаган “Кызыклы шәкерт”, “Бала белән күбәләк”, “Гали белән Кәҗә”әсәрләре тамашачы күңеленә бик хуш килде.

Бәйрәм мәшһүр язучының “Туган тел” җыры белән тәмамланды. Бәйрәмнән соң балалар рәсем һәм китап күргәзмәләрендә булдылар.

Бәйрәм оештыруда музыка җитәкчеләре Часовская Л.И., Костина М.С., татар теле тәрбиячесе Минегулова А.Г. һәм төркем тәрбиячеләре зур өлеш керттеләр.  

ФОТО