Семинарда катнашучы 40 педагог балалар бакчасының Ресурс үзәге статусында эшчәнлеге, Татарстан Дәүләт телләрен өйрәнү буенча эш системасы белән танышты.  “Телеканал Батыр 2” тапшырулары барышында тәрбиячеләр балаларның музыкаль чыгышларын, ата-аналардан алынган интервью, өч төркемдә кызыклы шөгыльлләр карадылар. Семинарда чыгыш ясаучылар: бакча мөдире Әлфирә Әсхатовна, өлкән тәрбияче Гөлшат Сагитовна, 33 нче номерлы “Ал чәчәк” балалар бакчасының өлкән тәрбиячесе Равида Фавилевна, 14 нче номерлы Хади Атласи исемендәге татар гимназиясенең башлангыч класслар укытучысы  Илсия Флуровна, Татар мәдәният үзәге җитәкчесе Флюра Валиевна икетеллелек  шартларында  туган  телне өйрәтүдә заманча инновацион технологияләр кулланып мәктәпкәчә яшьтәге балаларның сөйләм культурасын үстерү турында  сөйләделәр. Семинар бик кызыклы, тирән эчтәлекле булып узды.