Безнең бакча балалары белән һәрдаим үзәк балалар китапханәсенә сәяхәт оештырыла, анда балалар бик кызыксынып төрле викториналарда, ярышларда, күргәзмәләрдә, тематик бәйрәмнәрдә катнашалар. Әлбәттә,  китапка мәхәббәт  уятуда  тәрбияченең роле зур  булуы бәхәссез. Менә күптән түгел уздырылган сәяхәт тә безнең балаларга бик зур бәйрәм кебек булды. Кечкенәләрне китапханә белән, китап уку кагыйдәләре белән таныштырдылар. Балалар шагыйре Роберт Миңнуллинның 65 яшьлек  юбилее уңаеннан китапханәче апалар КВН уздырдылар. КВНның максаты: балаларны  юбиляр-шагыйрънең тормышы һәм иҗаты белән  таныштыру, әдәби әсәр геройларының эш-гамәлләре үрнәгендә балаларда әдәплелек, кешелеклелек, олыларга ихтирам хисе тәрбияләү, мавыктыргыч шигърият дөньясы белән кызыксыну уяту, китап укуга тарту