12 майда  «Бердәм экология дәресе” үткәрелде. Шул уңайдан  география укытучысы Гайфуллина С.Ш. укучыларны Татарстан Республикасының экология һәм табигый ресурслары Министрлыгының эшчәнлеге белән таныштырды. “Табигатьне саклыйк» дигән темага презентация  күрсәтелде. Чишмәләрне чистарту максатыннан экскурсияләр оештырылды.

12 май көнне 7 нче сыйныфта “Ышаныч телефоны”  дип аталган сыйныф сәгате үтте.

8 май көнне авылыбызда Бөек Ватан сугышында Җиңүнең 69 еллыгына багышланган митинг булды. 

Бүген укучылар Бөек Ватан сугышында безнең якты киләчәгебез өчен башларын салган авылдашларыбыз хөрмәтенә венок һәм гирляндалар ясадылар.

Мәктәптә «Солдат кулъяулыгы» акциясе эше  дәвам итә. Югары сыйныф кызлары кулъяулыкларның соңгыларын тоташтырдылар.

3 нче май көнне Баулыда җиңел атлетика буенча ярышлар булып узды. Безнең мәктәптән физкультура укытучысы Жмаков Владимир Иванович җитәкчелегендә 8 укучы катнашты. Малайлар арасыннан 400 метрлы дистанциядә 8 класс укучысы Валиуллин Римир - 1 нче урын, 100 метрлы дистанциядә 9 класс укучысы Мифтахов Илмир - 2 нче урын, 800 метрлы дистанциядә 10 класс укучысы Валиуллин Айнур - 2 нче урын, 11 нче класс укучысы Тагирзянов Ильяс - 3 нче урын яулады.     Кызлар арасында 800 метрлы дистанциядә 8 класс укучысы Гатиятуллина Айсылу -  2 нче урын, 100 метрлы дистанциядә 9 класс укучысы  Шайхова Алия - 3 нче урынны алды. Эстафетада малайлар командасы - 1 нче урын, кызлар командасы - 3 нче урын яулады.  Егетләрне, кызларны җинүләре белән котлыйбыз! Молодцы!

Мәктәп тирәсен җыештыру өмәләре дәвам итә. Бүген дә  өмәдә 8 нче сыйныф укучылары бик тырышып эшләделәр.