12 нче ноябрьдә  авылыбыз китапханәсендә 1 сыйныфлар өчен Мәдәният дәресе уздырылды. Китапханәчебез Миләүшә Вахит кызы укучыларны районыбыз, республикабыз мәдәнияте белән кыскача таныштырып китте һәм “Беренче сыйныф укучысының мәдәни көндәлекләрен” бүләк итте. “Көндәлек  нәниләргә республикабызның тарихи-истәлекле урыннарына, төрле мәдәни чараларга юл күрсәтер һәм рухи байлыкларыбыз белән якыннанрак танышырга ярдәм итәр”, диде ул. Көндәлектәге төсле, заманча рухтагы рәсемнәр, кызыклы тарихи мәгълүматлар, укучыларның яшь үзенчәлекләрен истә тотып сайланган табышмак, кроссворд, иҗади биремнәр, чыннан да, нәниләрнең игътибарын җәлеп итеп тора.