Үткәнен белмәгән халыкның киләчәге юк, диләр. Ә безнең тарихи үткәнебез – бик кадерле мирас. Без аны саклыйбыз, өйрәнәбез. Шуңа күрә мәктәбебездә бүгенге көндә күпкырлы талант ияләре бертуган Миргазиян һәм Вахит Юныслар музее эшләп килә. 
      Язучы-публицист Вахит Юныс (Вахит Закир улы Юнысов) 1930 елның 20 октябрендә Татарстанның Баулы районы Исергәп авылында туа. Вахит Закир улы Юныс - озак еллар чит илләрдә эшләп, 74 илдә булган, 17 телдә иркен сөйләшә алган, дипломат, язучы, журналист, тәрҗемәче, тарихчы, публицист, сәяхәтче. 
Вахит Юныс төп тормыш кагыйдәләренең берсе итеп «сәяхәттә — бәрәкәт, хәрәкәттә — бәрәкәт» девизын ала. Гомерлек мөсафир булып, сәяхәтнамәләр остасына әйләнгән һәм татар укучыларының дөньяга карашын киңәйткән Вахит Юныс кебек шәхесләр булуы белән без горурланабыз. 
     20 октябрь көнне язучының 90 еллык юбилеена багышлап, 8-10 сыйныфлар өчен “Вахит Юныс – гомерлек мөсафир” дип исемләнгән чара узды.