Новости МБДОУ «Детский сад № 7 "Колокольчик" Бавлинского муниципального района Республики Татарстан/Татарстан Республикасы Баулы муниципаль районы"№ 7 нче санлы "Колокольчик" балалар бакчасы"мәктәпкәчә белем бирү муниципаль бюджет учреждениесы

16 майда безнең балалар бакчасы Татарстан Республикасының мәктәпкәчә учреждениеләре арасында «Акыллы уеннар» программасы буенча III Республикакүләм чемпионатында катнашты. Проект татар телен һәм туган телләрне саклау, үстерү мәсьәләләре буенча Татарстан Республикасы Рәисе каршындагы комиссия, шулай ук ТР Мәгариф һәм фән министрлыгы ярдәмендә «Бала-сити» халыкара мультилингваль балалар бакчалары челтәре ярдәмендә гамәлгә ашырыла. Безнең тәрбияләнүчеләр һәм педагоглар искиткеч нәтиҗә күрсәттеләр: иҗади проект номинациясендә Гран-прины «Беренче скважина» эше белән яулады! Педагогларыбызны һәм йолдызларыбыз Рамина Әхмәтҗанова белән Аделина Крешкованы котлыйбыз! Сафина Галимова «Читеклэр» интеллектуаль уенда лаеклы чыгыш ясады. Рамина Әхмәтҗанова әнисе Гүзәл Исламгали кызы белән "Акыллы гаилә" номинациясендә "Мин төзүче" уенында чыгыш ясап, гаилә бердәмлеген үрнәк итеп күрсәттеләр. Кызларны, аларның әти-әниләрен һәм, әлбәттә, искиткеч укытучыларыбызны бу якты җиңүләре белән чын күңелдән котлыйбыз! Сезнең белән горурланабыз!