Татарстан Республикасының Экология министрлыгы тарафыннан уздырулычы «ЭкоЯз 2017» акциясенә Субаш мәктәбе  укучылары бик теләп кушылдылар һәм табигатебезнең чисталыгын саклауда үзләренең өлешләрен кертергә теләк белдерделәр.

Туган тел айлыгын йомгаклап, 26 нчы апрельдә Г. Тукайны искә алу кичәсе уздырылды. Укучылар аның шигырьләрен, мәсәлләрен сөйләде. Ай дәвамында төрле бәйгеләрдә җиңгән һәм чараларда актив катнашкан укучылар Мактау кәгазьләре белән бүләкләнде.

Җиңел атлетика ярышында безнең укучылар да актив катнаштылар.Рәхмәт аларга!

Өлкән сыйныф укучылары башлангыч сыйныф укучыларына укуларында ярдәм итәләр.

Бүген 3 нче май көнне мәктәбебез укучылары өчен "Балтач Кино" оешмасы килде.Укучыларга бик ошады.Бу чараны оештырган өчен Радик Тихоновичка бик зур рәхмәт!

 "Ветераны живут  рядом" акциясе нигезендә укучыларыбыз  класс җитәкчеләре белән берлектә ялгыз яшәүче ветеран укытучыларыбызга ярдәм итәргә барып кайттылар.

Әлеге чара бөек шагыйребез Габдулла Тукайныӊ туган көне  уңаеннан  26 нчы апрельдә,   мәктәпкәчә белем бирү оешмасы һәм I –VI сыйныф укучылары катнашында үткәрелде. Бәйрәмне VI сыйныф укучылары алып барды. Әдәби кичәдә шагыйрьнеӊ сабый чагы истәлекләре, гадиләштереп, кечкенә Габдулла исеменнән сөйләтелә. Укучылар Г.Тукайның балалар өчен язган шигырьләрен яттан һәм сәхнәләштереп сөйлиләр, ә көйгә салынганнарын җырлыйлар. Бәйрәмдә укучыларныӊ үзләре язган шигырьләрен сөйләүләре тантаналы мизгелләрне тагын да җанландыра, балаларның шигърият белән кызыксынуларын үстерә. Махсус килгән кунакларыбыз да үзләренең чыгышлары белән безне сөендерделәр.Килгән кунаклар исемлеге : 

1. Данил Салихов – танылган драматург, прозаик, Татарстанның атказанган сәнгать эшлеклесе, Гаяз Исхакый һәм Саҗидә Сөләйманова исемендәге әдәби премияләр лауреаты, Татарстан Язучылар берлеге рәисе;

2. Харис хәзрәт Салихҗан – дин әһеле, Г.Тукай исемендәге Дәүләт премиясенең 2017 елгы лауреаты;

3. Гөлзадә Бәйрәмова – танылган шагыйрә, Саҗидә Сөләйманова исемендәге әдәби премия лауреаты, “Казан утлары ” журналының бүлек мөхәррире;

4. Мухаметшин Гарифзян Садыкович- Балтач

5. Гарифуллина Лилия - Кушкетбаш

6. Гайнетдинов Илхам Фидаиль улы.

29 нчы апрель  көнне "Шушы яктан , шушы туфрактан без...." - дип исемләнгән иҗат отчет концерты  булып узды. Барлык катнашкан укучыларга , әзерлектә күп көч түккән укытучыларга олы рәхмәтебезне белдерәбез!

Мәктәбебезнең 8 нче сыйныф укучысы Хадеева Линара "Марш парков -2017 " бәйгесендә уңышлы чыгыш ясап  истәлекле бүләкләр белән кайтты.

И туган тел, и матур тел, әткәм-әнкәмнең теле! 
Дөньяда күп нәрсә белдем син туган тел аркылы.

Иң элек бу тел белән әнкәм бишектә көйләгән, 
Аннары төннәр буе әбкәм хикәят сөйләгән.

И туган тел! Һәрвакытта ярдәмең белән синең, 
Кечкенәдән аңлашылган шатлыгым, кайгым минем.

И туган тел! Синдә булган иң элек кыйлган догам:
Ярлыкагыл, дип, үзем һәм әткәм-әнкәмне, ходам!

                                                                  Г.Тукай