Балалар бакчасы хезмәткәрләрен "Тәрбиячеләр көне " белән котлау акциясе.

Һава торышының киеренке булуына карамастан, укучыларыбыз,  кызу темплар белән, мәктәп бакчасында чөгендер һәм кишер уңышын  җыялар.

“Милләтләр кроссы – 2013” быел ил күләмендә 22 сентябрьгә билгеләнде. Россия Федерациясенең бар шәһәр, районнарында уздырылып, анда 300 меңнән артык кеше катнашыр дип көтелә. Теләге булган һәр граждан, ничә яшьтә булуына карамастан, бөтенрәсәй массакүләм йөгерүдә катнаша ала. Мәктәптә әлеге чара бүген уздырылды. Анда һәр бала теләп катнашты.

"Игътибар -- балалар!" акциясе кысаларында башлангыч һәм 5нче сыйныф укучылары юл йөрү кагыйдәләре язылган листовкалар өләшеп йөрделәр.

Яңа уку елында план буенча эвакуация уздырылды. Укучыларга сафка тезелү өчен 35 секунд вакыт кирәк булды.

Бүген мәктәптә пенсия фонды вәкилләре белән очрашу булды. Алар укучыларга пенсиянең барлыкка килүен, ничек җыелуын сөйләделәр.

Республикабызның  уку йортларында экстремизмга каршы дәресләр, «түгәрәк өстәлләр» оештырыла. Алар 3-30 сентябрьдә «Экстремизмга – Юк!» дигән айлык кысасында уза. Чараның төп максаты – укучыларга террорлык һәм экстремистик идеологиягә карата түземсезлек уяту. Айлык 3 сентябрьдә республиканың барлык мәктәпләрендә бу темага багышланган махсус дәресләр белән башланып китте.

Кадерле укучылар, хөрмәтле укытучылар! Бүген 1 сентябрь. Җәй айларының үтеп китүен сизми дә калганбыз. Менә тагын без сезнең мәктәбебезгә “Белем көне”нә җыелдык. Барыгызны да шушы матур бәйрәм белән чын күңелдән котлыйбыз. Яңа уку елында сезгә зур уңышлар, нык сәламәтлек, сабырлык телибез!

Бергәлектә көч, ди халык. Бөтен мәктәп бәрәңге басуына чыккач, чүп тә курыкты...