Кечкенәләр төркеме балалары физкультура эшчәнлегендә бик актив катнашалар.Сәламәтлекне саклау һәм ныгытуда бу эшчәнлекнең әһәмияте зур.Шул максаттан чыгып ,без физкультура эшчәнлеген кызыклы һәм мавыктыргыч итеп үткәрергә тырышабыз.

Мәктәпкәчә яшь - кешенең экологик мәдәнияте үсешендә иң кыйммәтле чоры. Бу вакытта шәхес нигезе салына, шунда ук тирә-юньгә, табигатькә карата позитив мөнәсәбәте булдырыла.

Балаларны кече яшьтән үк саф һавада чыныктырабыз. Балалар йөгерергә, сикерергә, төрле хәрәкәтләр эшләргә өйрәнәләр. Сәламәтлекләрен, алдагы эшчәнлекләрдә алган белемнәрен ныгыталар, игътибарлылыкны үстерәләр.

Бакчабыз тәрбиячеләре Зарипова Алсу Рәфхәт кызы "Иң милли тәрбияче - 2022"  бәйгесендә "Иң яхшы милли бәйрәм" сценарияләр номинациясендә беренче урынга, Закирова Гөлнар Исрафил кызы өченче урынга, Хасанова Гөлназ Әсхәдулла кызы катнашучы дипломнарына лаек булдылар.  Афәрин!!! Киләчәктә дә яңа үрләр,  уңышлар телибез!

Зурлар төркеме балаларын янгын килеп чыгу сәбәпләре белән таныштырдык. Янгын чыгу очрагында үзләрен дөрес тоту күнекмәләрен ныгыттык. Уеннар, әңгәмәләр аша, утның кирәк һәм шул ук вакытта куркыныч көч булуын аңлаттык.

Балалар фитбол белән уеннарны бик яраталар.Фитбол белән уеннар дөрес гәүдә торышы формалашуга,хәрәкәт координациясен ныгытуга ,тигезлек саклый белүне үстерүгә  уңай йогынты ясап кына калмый,балаларда ихтыяр көче формалаштыруга ,үз-үзенә ышанычны арттыруга да ярдәм итә.

Үзебезнең бабаларыбызны хәтерлик, зурлыйк! Еллар, гасырлар узар, ләкин Бөек Җиңү һәм аны яулап алган батырлар истәлеге мәңге яшәр.

Ватанны азат итү бөтен халык эше булган. Шуңа күрә "алар Ватанны сакладылар" дигәндә, без ул сугыш елларында яшәгән, сугышта катнашкан, тылда эшләгән кешеләрне күз алдында тотарга тиешбез. Аларга мәңгелек дан һәм хөрмәт! Безнең бурычыбыз - ул еллардагы халыкның батырлыгын үзебез дә онытмыйча, бездән соң килгән буыннарга да тапшыру.

Кече яшьтән үк балаларга уеннар, әңгәмәләр аша утның кирәк һәм шул вакытта куркыныч көч булуы, саксыз кулланганда коточкыч фаҗигаләргә китерүе хакында сөйләү, аңлату мәҗбүри.

Бакчабызда "Габдулла Тукай - безнең күңелләрдә" дип исемләнгән бәйрәм иртәсе булды. Җырлар, шигырьләр, төрле әкият геройларын сәхнәләштереп уйнау бәйрәмне бик күңелле итте.