"Кәгазьгә тормыш бүләк ит!" акциясе кысаларында мәктәптә укучылар макулатура җыеп тапшырдылар.

9 декабрьдә Халыкара коррупциягә каршы көрәш көне. Шушы көн уңаеннан мәтәптә "Коррупциягә каршы марафон"га старт бирелде. 

1-10 декабрь көннәрендә мәктәптә "Изгелекләр кылыйк!" девизы астында инвалидлар декадасы үткәрелә. Әлеге декаданың планы нигезендә төрле чаралар планлаштырыла.

Мәктәптә "Әниләр бәйрәме" үткәрелде. Укучылар әниләргә матур итеп котлаулар ясадылар һәм концерт куйдылар.

Ата-аналар советының "Тату сыйныф серләре" конкурсының муниципаль этабында безнең мәктәптән 6 сыйныф ата-аналары һәм укучылары катнашып, 3нче урынга лаек булдылар. Сыйныф җитәкчесе Каримова Ч.З. Уңышларыгыз белән котлыйбыз!

Мәктәптә хокук белемнәре һәм тарих атналыгында укытучылар Галимова Г.Р. һәм Габдрахманова И.Б. кызыклы һәм файдалы кичәләр үткәрделәр: 5-6 сыйныф укучылары белән "Толерантлык дәресе" үтте. 7, 9-11 сыйныфлар үзләренең хокук буенча белемнәрен "Хокукый турнир"да күрсәттеләр. Ә 8 сыйныф укучылары белән "Тарихи марафон" дигән интеллектуаль уен оештырылды. Әлеге чараларда укучылар күп мәгълумат алдылар, белемнәрен сынадылар.

"Россия балалары" профилактик  операциясе кысаларында мәктәптә ПДН инспекторлары укучылар белән очраштылар. Алар укучыларга зарарлы гадәтләр, тәмәке һәм наркотикларның зыяны турында аңлаттылар.

Хокук белемнәре айлыгы кысаларында сыйныф җитәкчеләре тәрбия сәгатьләрендә укучыларның хокуклары һәм бурычлары турында аңлаттылар. Балалар презентацияләр аша хокукый белемнәр алдылар, сорауларына җаваплар таптылар һәм күп кенә хокукый мәгълуматлар тупладылар