Мәктәбебездә шаулап-гөрләп Яңа ел бәйрәмнәре үтте. Тамашага әти-әниләр, әбиләр, апалар да килде. Бәйрәм бик күңелле үтте.

Шушы көннәрдә мәктәп ишегалдында күз явын алырлык кар сыннары пәйда булды. Укучылар, укытучылар һәм әти-әниләр тырышлыгы ярдәмендә мәктәп яны әкиятләр иленә охшады.

Яңа ел бәйрәме якынлашуы сизелә. Мәктәбебез укучыларына Кыш бабай бүләкләре таратылды.

7 сыйныф укучылары һәм әти-әниләре Түнтәр һәм Көшкәтбаш халкына "Яңа елга җырлап, биеп" дип исемләнгән концерт тәкъдим иттеләр. Концертта укучылар башкарган дәртле биюләр, матур җырлар һәркемгә ошады. Тамашачылар һәр номерны алкышларга күмделәр.

7 сыйныф укучылары проект эшләрен якладылар. Алар башта төркемнәргә бүленеп проет буенча эзләнү эшләре башкардылар һәм әлеге эшләрне комиссиягә тәкъдим иттеләр. Укучыларның эшләре уңай бәяләнде.

Инвалидлар декадасы кысаларында мәктәптә "Мәрхәмәтлелек акциясе" үткәрелде. 10 сыйныф укучылары сыйныф җитәкчесе Габдрахманова И.Б. җитәкчелегендә Гобәйдуллин Ислам янында булып кайттылар.

Инвалидлар декадасы уңаеннан сыйныфларда "Дуслык һәм мәрхәмәтлелек дәресләре" үтте.    

Инвалидлар декадасы уңаеннан "Балалар йөрәгеннән чыккан изгелек" темасы астында 5-6 сыйныф укучылары арасында рәсем конкурсы үткәрелде.    

Укучыларыбыз һәм спорт сөюче гаиләләребез "Әтине, әнине һәм хоккей яратам!" дип исемләнгән спорт фестивалендә катнашып, алдынгы урыннарны яуладылар һәм медальләр, кубоклар белән бүләкләнделәр. Афәрин! Киләчәктә дә уңышлар телибез сезгә!

Мәктәбебез укучылары Исмагилова Тәнзилә, Иванова Эльвина һәм Нәкыйпова Нәргизә коррупциягә каршы иҗади эшләр бүйгесенең муниципаль этабында җиңүчеләр булдылар һәм грамоталар белән бүләкләнделәр (җитәкчеләре Исмагилова Р.З., Бәйрәмова Т.З., Нәкыйпова Л.М.). Ә Исмагилова Тәнзиләнең рәсеме республикакүләм алдынгы урынга чыкты. Тәнзилә Казан шәһәрендә бүләкләү тантанасында катнашу бәхетенә иреште.