3 октябрь көнне, мәктәптә эшләп киткән өлкәннәребез килде. Укучылар тарафыннан аларга  концерт куелды. Аннары очрашу чәй табыны янында дәвам итте.

27.09.2013 көнне лидер укучылар " Тәрбиячене котла" акциясен үткәрделәр. Алар укучылардан котлау открыткалары яздырып балалар бакчасына тәрбиячеләрне котладылар.

21.09.2013 көнне "Кросс Наций-2013" үткәрелде. Барлык укучылар һәм укытучылар бу чарада актив катнаштылар. Җиңүчеләр мәктәпнең мактау кәгазьләре белән бүләкләнделәр.

Тарих укытучы Гибадуллина А.Р. классларда "Курск дугасы янындагы сугышка" 70 ел уңаеннан дәресләр үткәрде. Укытучы дәресләрдә укучыларны бик күп материал, фактлар белән таныштырды.  Алар кызыксынып тыңладылар, дәрестә актив катнаштылар.

16 сентябрь  көнне классларда “Чисталык – иң зур хәзинә” дигән темага тәрбия сәгатьләре уздырылды. Һәр класс җитәкчесе үз классы белән чисталык сәгатендә экологияне сакларга, экология чисталыгыннан сәламәтлекнең, тазалыкның ни дәрәҗәдә әһәмиятле булуы хакында сөйләшү оештырдылар.Класс җитәкчеләре үз тәрбия сәгатьләрендә презентацияләр кулландылар, төрле формада уздырдылар. Лекция, әңгәмә, сөйләшүләр, диспутлап оештырдылар

"Игътибар, балалар" акциясе кысаларында башлангыч класс укучылары участок инспекторы Гилемзянов Ф.Ш. белән очраштылар. Ул укучыларга юл йөрү кагыйдәләрен аңлатты.

1 класс укучыларына класс җитәкчесе Ситдикова Э.И.юлда йөрү кагыйдәләрен аңлатты.  "Беренче классларга юлны дөрес чыгарга өйрәт" дигән акция үткәрелде.

"Игътибар, балалар!" акциясе кысаларында классларда тәрбия сәгатьләре үтте. Озынайтылган көн төркемкемнәрендә тәрбиячеләр шул темага клуб сәгатьләре уздырдылар, укучылар юлда йөрү буенча үзләренең белемнәрен ныгыттылар.

Классларда 10 сентябрь көнне пожар куркынычсызлыгы буенча тәрбия  сәгатьләре үткәрелде. 

10 сентябрь көнне "Таң йолдызы" балалар оешмасына президент сайлаулары булды. Күпчелек тавыш белән Файзрахманов Азат сайланды.