Инвалидлар ункөнлеге уңаеннан балалар бакчасында "Оныт борчуларыңны" дип исемләнгән ачык чара үткәрелде. Чарада Кариле җирлегендә яшәп, иҗат итүче якташыбыз, күп санлы шигырьләр авторы, шулай ук шахмат ярышларында да үзен сынатмаган, язмыш сынауларында сынмаган- сыгылмаган атаклы шәхес Чулпан Габделганиева катнашты. Ул балаларга үзенең тормыш юлы, иҗаты турында сөйләп узса, балалар исә аңа үзләренең матур шигырьләрен, җырларын һәм кулдан ясалган бүләкләрен тапшырдылар.