Балаларның утка табигый тартылуы ата-аналар һәм тәрбиячеләрнең күз алдында булырга тиеш. Нәкъ менә алар беренче булып сабыйларга утның куркыныч көч булуы, саксыз кулланганда коточкыч фаҗигаларга китерүе турында сөйләргә тиеш. Көнкүрештә янгын куркынычсызлыгының элементар нормаларын балага кече яшьтән үк өйрәтергә кирәк. Без, кечкенәләр төркеме балалары белән янгын сүндерү автомобиле һәм аның башка автомобильләрдән аермалы якларын карадык, янгын калканына урнаштырылган җиһазлар белән таныштык. Шулай ук әти-әниләргә балаларны янгын куркынычыннан саклау кагыйдәләре язылган брошюралар таратылды.