Әфган сугышы, ил халкы күңелендә үзәк өзгеч вакыйга булып кереп калды. 9 ел, 1 ай, һәм 21 көн дәвам иткән әлеге сугышны анда булган хатирәләрне, вакыйгаларны оныту мөмкин түгел. Бу аяныч сугыш турындагы мәгълүматны бирү максатыннан  әфган сугышында катнашып кайткан Хафизов Рифкать Харис улын бакчабызга очрашуга чакырдык. Мәктәпкә әзерлек, зурлар һәм уртанчылар төркеме балаларына бу очрашуда тарихта булган кайгылы көннәр, ир-егетләрнең Ватанны саклаудагы батырлыклары турында сөйләде.  Балалар Рифкать абыйдан узләрен кызыксындырган сорауларга җаваплар  алдылар. Ул балаларга кече яшьтән үк тырыш, тәртипле, дус-тату булырга кирәклеген аңлатты. Балалар аның белән  очрашуга бик шат булдылар, узләренең бүләкләрен тапшырдылар һәм осталыкларын күрсәттеләр.