Балалар бакчабызда инглиз теле атналыгы булып узды. Инглиз теле тәрбиячесе Сиринә Илнаровна балаларны мавыктыргыч инглиз теле дөньясына чакырды. Зурлар һәм мәктәпкә әзерлек төркемнәре балалары "Уен аланы"на сәяхәт иттеләр, төрле музыкаль, дидактик, хәрәкәтле уеннар уйнадылар. Мәктәпкә әзерлек төркемендә инглиз телендә табышмаклар кичәсе уздырылды. Бу атнада балалар иртәнге гимнастиканы да инглиз телендә эшләделәр. Шулай ук бармак театры ярдәмендә "Теремкәй" әкиятен уйнап карадылар. Атнаны инглиз телендәге "Orange races" ("Оранжевые гонки") уеннары төгәлләде. Нәтиҗәдә балаларның инглиз телендә сүзлек запасы ныгытылды, сөйләм активлыклары үсте, чит телне өйрәнүгә кызыксынулары артты.