26 нчы сентябрь көнне, Татарстан Республикасы Фән һәм мәгариф министрлыгының еллык эш планы нигезендә, Кариле балалар бакчасында "Федераль белем бирү стандартлары шартларында мәктәпкәчә белем бирү оешмаларында этнокультура компонентын тормышка ашыру" темасына Республика күләм мәктәпкәчә белем бирү оешмаларының татар теле өйрәтүче тәрбиячеләрнең тәҗрибә уртаклашу семинары үтте. Семинар Балтач районы башкарма комитеты мәгариф идарәсенең мәктәпкәчә тәрбия методисты Г.Ф. Нутфуллина җитәкчелегендәге, Казан шәһәренең Авиатөзелеш һәм Яңа Савин районнарының 44 татар теле тәрбиячеләре, Казанның Авиатөзелеш районының 348 нчы номерлы балалар бакчасының татар теле тәрбиячесе, мәктәпкәчә белем бирү учрежденияләренең РМО җитәкчесе Хасанова Ф.Р., шулай ук Мамадыш шәһәренең мәгариф идарәсенең мәктәпкәчә тәрбия методисты Нагимова Г.Р., Балтачның 5нче номерлы балалар бакчасыннан тәрбияче Хафизова Ф.Ф. катнаштылар. Әлеге семинарда балалар бакчасы коллективы тәрбиячеләр һәм балалалар ярдәмендә әзерләгән "Алтын матур көзләр килгәч, казлар санар вакыт җитте" дип исемләнгән татар милли гореф - гадәтләренә нигезләнгән "Каз өмәсе" бәйрәме күренешен күрсәттеләр.