8 апрель көнне мәктәптә гомуми ата-аналар җыелышы булды. Җыелышта куркынычсызлык, III чирек нәтиҗәләре, республика күләмендә мәгариф яңалыклары чагылдырылды.

8 апрель көнне мәктәптә макулатура җыю акциясе башланды. Бүгенге көнгә 2 т 202 кг. макулатура җыйналды. Бу акциядә актив катнашучы укучыларга бик зур рәхмәт белдерәбез.Молодцы!
 

8 апрель көнне волонтерлар “Апрельнең зәңгәр лентасы” дип исемләнгән акция  үткәрделәр. Волонтерлар ни өчен зәңгәр лента икәнен аңлаттылар . Соңыннан волонтерлар буклетлар өләштеләр

5 апрель  көнне “дизайн” түгәрәге җитәкчесе Закирова Зилә Данилевна мәктәптә укучылар һәм укытучылар белән япон сәнгате “канзаши”  темасына мастер класс  күрсәтте. Зилә Данилевна капрон, органза, атлас тукымалардан бантиклар эшләргә өйрәтте. Укучылар да, укытучылар да бик  кызыксынып  эшләделәр. Һәрбер катнашучы  өйләренә матур бантиклар белән кайтып киттеләр.

Волонтёрлар отряды мәктәптә күп төрле  акцияләр үткәреп яхшылыкка өндиләр

2 апрель көнне республика күләм Кошлар көне үткәрелде. Урман буенда кош оялары эленде, тәмле карга боткасыннан барлык катнашучылар авыз иттеләр.

«Йолдызлык» яшьләр эстрада фестивалендә “Мирабель»  кызлар бию коллективы лауреат исеменә лаек булды. Без алар белән горурланабыз,киләчәктә дә уңышлар телибез.

30-31 март көнне Республика күләм Лобачевский исемендәге фәнни-гамәли конференциясендә 4 укучы чыгыш ясады. Галимов Галимҗан һәм Хусаинова Ризәлә катнашучы дипломы белән, Марданов Рәзил, Миннебаев Булат мактау граматасына лаек булдылар

6 нчы класс укучысы Закирова Камилә Яр Чаллы шәһәрендә МАОУ ДОД "Городской дворец творчества детей и молодёжи" үткәргән IV Республика фәнни-практик конференциясендә республика күләм  II икенче урынны яулады. Камилә конференциядә  югары категорияле математика укытучысы Садикзянова З.З. җитәкчелегендә  "Гади саннар"  исемле фәнни эше белән чыгыш ясады.