Авылыбызның мәдәният йортында тыл батырлары хөрмәтенә чәй табыны оештырылды, ә укучыларыбыз алар хөрмәтенә бик матур концерт номерлары бүләк иттелә

Һәр ел саен мәктәбебездә Бөек Җиңү бәйрәме уңаеннан "Батырларны котла!" акциясе уза. Быел да бу чара оешкан төстә узды.  Укучыларыбыз тыл батырларының өйләрендә булдылар, аларга котлау открыткалары илттеләр.

Авылыбыз уртасында батырлар хөрмәтенә куелган обелискка һәм Советлар Союзы Герое Габдулла Гарифуллин каберенә кулдан ясалган веноклар куйдык.

Кукмара районында Бөек Җиңү бәйрәме уңаеннан армспорт буенча ачык турнир узды. Әлеге ярышта мәктәбебез укучылары да катнашты.Менә безнең батырлар:Габделхакова Р.-1 урын,Хабибуллина А.-3 урын,Ризванова Д.-2 урын,Зиятдинов Э.-1 урын,Закиров Ф.-1 урын, Сабиров Р.-1 урын. Шулай ук абсолют беренчелектә Сабиров Р. җиңү яулады. Афәрин! Бу ярышта әлеге батырларның тренерлары Сафиуллин Р .  армлифтинг  буенча 2 урынны яулады.

"Исәннәрнең кадерен бел, үлгәннәрнең каберен бел!" дигән халык мәкаленә кушылып, авылдашыбыз, Советлар Союзы Герое Габдулла Гарифуллинның каберен даими чистартып торабыз. Бөек Җиңү бәйрәме якынлашкан көннәрдә мәктәбебез волонтерлары аның каберенә рейд ясап корыган үләннәрен чистарттылар.

Район күләмендә узган волейбол ярышында мәктәбебездән кызлар һәм малайлар командалары катнашты. Алар ярышта уңышлы чыгыш ясадылар:кызлар командасы 1 урынны, малайлар командасы 2 урынны алды.

Бүген мәктәп күләмендә язгы өмә узды. Өмәдә укучылар да, укытучылар да тырышып эшләделәр. Нәтиҗәдә мәктәбебез территориясе чистарып, матурланып калды.

Малмыж шәһәрендә Г.Тукай туган көнгә багышлап уздырылган иҗади- әдәби конкурста 1 сыйныф укучысы Абдуллина Л., 4 сыйныф укучысы Сафиуллина К., Гарипова Э. һәм  3 сыйныф укучысы Багауетдинов И. нар катнашты. Алар нәфис сүз, җыр номинацияләрендә җиңеп кайттылар һәм дипломнар белән бүләкләнделәр.

4 сыйныф укучылары ТИМСС эшләделәр.

Бүген 8-11 сыйныф укучылары һәм укытучылар, Бөек Ватан сугышына багышланган халыкара акциягә кушылып, тест  биремнәре чиштеләр.