Бүген районыбызның чыгарылыш бәйрәме узды. «Хөрмәтле чыгарылыш сыйныф укучылары! Мәктәп тормышы, бәйге-ярышлар, конференцияләр, бердәм дәүләт имтиханнары – барысы да артта калды. Әти-әнидән аерылып, мөстәкыйль тормышка тәүге адымнарны ясау, киләчәккә ачкыч алу мизгелләре сезнең күңелегездә иң якты, матур хәтирәләр генә калдырсын. Сез – районыбызның өметле киләчәге! Кадерләп үстергән әти-әниләрегезгә, мәктәп елларында, имтиханнарда зур таяныч булган укытучыларыгызга зур рәхмәт!» - диде район башлыгы Рамиль Нотфуллин бәйрәм чарасында катнашып. Тәбрикләүләрдән соң җитәкче «Укудагы аерым уңышлары өчен» медаленә лаек булган укучыларны котлады. Iнче дәрәҗәдәге медаль белән бүләкләнүчеләрне район башлыгы котлады. 
Белемсөярләрне без дә котлыйбыз һәм алар белән сезне дә таныштырып китәбез:
- Петров Нияз 
- Гасанова Сара 
- Әхмәдуллина Айсылу 
- Әбдрахманов Әмир 
Афәрин! Уңышларыгыз дәвамлы булсын!