Илебез быел Бөек Җиңүнең 81 еллыгын бәйрәм итә. Әйе, вакыт тәгәрмәче алга бара, әмма һәр ел саен безнең йөрәктә хәтер кайтавазы яңартыла. Бәйрәм көне якынлашканда Балтач Үзәк зурлар китапханәсе хезмәткәрләре Балтач гимназиясе укучылары өчен «Кыю йөрәк мәңгелек» дип исемләнгән телдән журнал тәкъдим итте. Автоматтан кала, каләмнәрен көрәш корлы итеп алган язучыларыбызның һәр сүз бөртеге әдәби мирас булып безнең көннәргә кадәр килеп иреште. Сугышның иң беренче көннәреннән үк үз теләкләре белән гариза язып олы көрәшкә баскан татар әдпиләре, аларның иҗатлары турында укучыларга тирән фикер салынды. Герой – шагыйрь – Муса Җәлилнең Моабит дәфтәрләре, Фатих Кәримнең куен кесәсеннән алып китап итеп бастырылган шигырьләре, Әмирхан ага Еникинең барыбызга таныш булган: «Бер генә сәгатькә», «Бала» кебек әлеге һәм башка күп әсәрләр буенча шул чор хакыйкате барланды. Чара азагында укучыларның белемнәрен сынап карау максатыннан, «Сугыш еллары-тарих түрендә» дип исемләнгән әдәби бәйге уены үткәрелде. Илләребез тыныч, киләчәгебез якты һәм матур булсын, киләсе буын афәтләр күрмәсен дигән теләктә калабыз.