Балтач гимназиясендә Татарстан Республикасы махсус хәрәкәтләр ветераннары һәм запастагы чик буе гаскәрләре ветераннарының Ватан сакчыларына багышланган күчмә музее эшли. Әлеге музей Татарстан Республикасы Рәисе Рөстәм Миңнеханов грантына алынган. Музейда Бөек Ватан сугышы чорында чик буе гаскәрләре ветераннарының кулланган кораллары, фашистларның кулланган кораллары, сугышчыларның киемнәре, аларның күрсәткән батырлыклары турында плакатлар, сугышның беренче көннәре, айлары турында 14 минутлык кинофильм, чик буе гаскәрләре солдатларының этләр белән фашистларга каршы сугышулары турында кинофильм (150 эт һәм 500 чик буе гаскәре ветераны - сугышлар тарихында бердәнбер очрак). Музейны яшь буынга сөйләү, таныштыру белән районыбызның махсус хәрәкәтләр ветераннары һәм чик буе гаскәрләре ветераннары рәисе Шәүкәт Гарәфетдин улы Гаязов җитәкчелегендә чик буе гаскәрләре оештыралар. Бүгенге көндә Балтач гимназиясендә булган музей атна дәвамында район мәктәпләрендә булачак.