Балтач үзәк китапханәсендә Гашыйклар көненә багышланган «Бер күрүдә гашыйк булдым сина» - дигән күңел ачу программасы үтте. Гашыйклар көне-искиткеч бәйрәм, кыш уртасында билгеләп үтелүгә карамастан, ул иң җылы, иң назлы хисләр белән бәйле. Чара башында алып баручы барлык катнашучыларны бәйрәм белән котлады. Бәйрәмнең барлыкка килү риваяте турында сөйләде, ә аннары уеннарда катнашырга тәкъдим итте: «Мәхәббәт шигырьләре» бәйгесендә катнашучылар шигырьнең авторын һәм исемен атадылар. «Комплиментлар», анда алып баручы һәркемгә әлеге хәрефләргә комплиментлар әйтергә тәкъдим итте. «Әдәби геройларның парларын табу», «Яраланган йөрәк», «Матур сүзләр», «Мәхәббәт» һәм башка бәйгеләр кызыклы үтте. Күңел ачу программасы күңелле, бәйрәмчә, дустанә атмосферада узды, бу укучыларга үзара якынаерга һәм күңелле аралашырга мөмкинлек бирде. Программа ахырында барысы да татлы призлар һәм «валентинкалар» алды.