1нче ноябрь көнне «Факел» яшьләр (яшүсмерләр) клубында, «Игелек кыл» проекты кысаларында, районның «Беренчеләр хәрәкәте» активистлары өчен волонтерлык юнәлешендәге очрашу үтте. Катнашучылар чараның беренче өлешендә тематик лекция тыңлады, икенче өлештә мастер-классларда катнашты. Яңгул авылының көмеш волонтеры Габделхакова Ләйлә Рәисовна яшь волонтерларны сетка үрү серләренә төшендерде, яшүсмерләр үзләре дә сетка үреп карады. «Хыял» яшьләр үзәге әзерләгән иҗади мастер-класста да яшь волонтерлар теләп катнашты. Чарага килгән һәр яшүсмер махсус хәрби операция зонасындагы ир-егетләр өчен үзеннән өлеш кертә алуына чын күңелдән сөенде!