Кәрим Тинчурин исемендәге Татар дәүләт драма һәм комедия театрында гаилә һәм мәктәп театрларының «Гаилә тарихы», «Театрның яше юк» II Республика фестиваль-бәйгесенең катнашучыларын сайлап алу туры тәмамланды. Мәктәп театрлары белән гаилә театрларын берләштергән әлеге фестиваль Татарстанда икенче тапкыр уздырыла. Аны Тинчурин театры Татарстанның Мәдәният министрлыгы, Татарстанның Мәгариф һәм фән министрлыгы белән берлектә оештыра. Фестиваль-бәйгедә Балтач гимназиясенең «Хыялый тургай», «Сәйлән» коллективлары катнашты һәм уңышлы чыгыш ясады. Җиңүчеләр 8нче ноябрьдә узачак гала-концертта билгеле булачак. Балтачның яшь артистларына уңышлар телибез. Әти-әниләр театр коллективы җитәкчесе Алсу Хәкимҗановага рәхмәт белдереп, киләчәктә дә зур уңышлар тели.