Балтач гимназиясенең инде күп мәртәбәләр театраль бәйгеләрдә җиңү яулаган «Хыялый тургай» театр коллективы Абхазиядә узган бәйгедә катнашып, уңышлы чыгыш ясады. Укытучылары, сыйныф җитәкчеләре Алсу Илдар кызы Хәкимҗанова башлангычта белем бирү белән беррәттән тәрбия юнәлешен дә спектакльләр өйрәнүгә нигезләнеп алып барды. Һәм менә быел чыгарылыш сыйныфы, дүртләре, Хыялый тургайлары белән диңгез буйларын куандырырга омтылды. Афәрин, балалар, сез тырыш, укытучыгызның, гимназиянең, сыйныфташларыгызның өметләрен һәрчак аклыйсыз, алга таба да шулай дәвам итсен.