«Факел» яшьләр клубы мөмкинлеге чикле булган өлкәннәр һәм балалар белән тыгыз элемтәдә тора һәм аларга яраклаштырып күптөрле чаралар үткәрә. Шушы көннәрдә алар, Балаларны яклау көне уңаеннан, Балтач бистәсендә һәм аңа якын торучы балаларны өйләренә барып бәйрәм белән котлап, «Дус эзләүче тычкан» дип аталган театральләштерелгән тамаша күрсәтеп кайтты. Бу изге эштә безгә Беренчеләр хәрәкәте активистлары һәм волонтерлар ярдәм итте. Балаларның шат йөзләрен күрү - үзе зур бәхет ул! Җир шарындагы һәр бала сәламәт булсын иде!