Казанда «Буыннар бәйләнеше» республика чемпионаты узды. Бу бәйгедә район данын, Балтачтан Шакировлар гаиләсе яклады. Чемпионат балалар, аларның ата-аналары һәм өлкән буын гражданнары арасында көндәлек тормышта заманча компьютер технологияләрен үзләштерүне һәм куллануны популярлаштыру; гаиләне, буыннар һәм гаилә кыйммәтләре бәйләнешен ныгыту максатыннан оештырылды. Командаларга смартфонда, «Яндекс» эзләү системасында мәгълүмати һәм финанс иминлеген белүне таләп итүче биремнәрне үтәргә кирәк иде. Мәгъфирә, Руслан, Ризван Шакировлар бәйгедә уңышлы чыгыш ясап зур нәтиҗәләргә ирештеләр. Котлыйбыз!