Очар чаклар җиткән...Кошлар да бит, 
Утырмыйлар мәңге ояда. 
Бездән сезгә җан җылысы күчсә, 
Сездән күчсен җылы дөньяга. 

Ил өмете сездә, онытмагыз, 
Сынаусыз үр илтә бушлыкка. 
Янып, яшьнәп дөнья көткән генә, 
Лаек тарта йөкне тормышта. 
 
Югалтмагыз «тау күчергән» чакта, 
Әти-әни куйган маякны. 
Иренмәгез... фани дөньялыкта, 
Тырыш кага ташка кадакны. 
 
Нык адымнар, зур уңышлар сезгә, 
Туры булсын тотан кыйблагыз. 
Җүнле дуслар, бәхет ашкан яшьлек, 
Биеклекләр упкын - кыясыз!!! 
 
Алда сезне зур ачышлар көтә, 
Бәхетләргә диләр юл урау. 
Шул юлларның юнәлеше булсын, 
Бүген дәшкән соңгы кыңгырау!!!

Алсу Хәкимҗанова