Для 4б класса от классного руководителя Хакимзяновой Алсу Ильдаровны: 

«Кадерле балалар! Бүгенгедәй хәтеремдә тәүге тапкыр мәктәп ишекләрен атлап кергән көнегез.Кайсыгыз куркып кына, кемдер инде укыйм  мин дип, ә кемдер рәхәтләнеп уйнармын дип. Барыгызның да күзләре янып тора, янып торса да шундый самими. Бер күрүдә үзегезне яратканымны сизми дә калдым. Мең төрле сорауга күп төрле җавап биреп бергә-бергә, безгә сезнең әти-әниләрегез дә кушылып белем иленә кереп киттек. Уку җиңел шөгел түгел, инде ул, тик шулай да җаен табып, үзебезнең күңелне үзебез күреп, тормышыбызны төрле чаралар, төрле кызыклы көннәр белән бизәп шушы көнгә килеп бастык. Сез хәзер башлангычны тәмамлап тагы да зур белем иленә аяк басасыз. Минем теләр теләкләрем бик күп һәм изге. Сез урта якта укыйсызмы, үсеп буйга җитәсезме, инде тормыш юлына аяк бассызмы, онытмагыз, сез башлангыч сыйныф укытучысы өчен шул ук сабыйлар. Сезнең һәрберегезнең юлы өчен без үзебезне җаваплы хис итәбез һәм читтән булса да күзәтеп торабыз. Сезнең һәр уңышыгыз безнең өчен сөенеч, шатлыгыгыз безнең өчен дә шатлык. Киләчәктә тырышып белем алып, күп гыйлемнәр сеңдереп ышанычлы, акыллы, тәүфыйклы укучылар булырсыз дип ышанып калам. Классташлар гомер буе туган кебек якын кешеләр. Җилдәй генә үтеп китә торган бу матур чорыгызда бер – берегезне бервакытта да авыр сүзләр, вак-төяк үпкәләр белән кыерсытмагыз, бердәм, ярдәмчел булыгыз. Әти-әни сүзен аяк астына салмагыз, сезне укыткан укытучыларга хөрмәтне киметмәгез. Хыялланыгыз, уйланыгыз, яңалыкка омтылыгыз!