Бүген бакчабызга мәчеттән Фазылҗанова Фирая Яхиевна Ураза гаете белән котлап балаларга күчтәнәч алып килде һәм вәгазләр сөйләп, балаларның үзләре белгән догаларны укыганнарын тыңлады.

Матур да ул, җылы да ул, Якты безнең бакчабыз. Без анда уйнап – көлеп, Җырлап күңел ачабыз.

Бүген безнең бакчабызда Түбән Кама курчак театры кунакта булды. Алар "Олимпиада йолдызлары" дип исемләнгән тамашалары белән балаларның күңелен яуладылар. Тамашада олимпиаданың ак аюы, куян һәм леопард Лео җиңүчеләр булдылар. Балалар бердәм аларга көч-куәт биреп тордылар.

Кояшлы матур бакчабызда гөлләр чәчәк аталар. Ә безнең нәниләребез рәхәтләнеп комлыкта уйныйлар.

Сәхнәләштерү балаларның төрле яклап үсүен тәэмин итә, иҗади мөмкинлекләрен, хыялларын баетуда, фикер активлыгын һәм зиһеннәрен үстерүдә ныклы этәргеч булып тора.

Менә безнең бармаклар,
Шаян алар, шук алар.
Бармаклар гел уйныйлар,
Уйный-уйный туймыйлар.

Шундый матур безнең бакчабыз,
Рәхәтләнеп күңел ачабыз.
Килегез, дуслар, безнең янга,
Утырмагыз боегып анда!

Минем кулымда волан,
Очырам әллә каян.
Уенны хәзер беләм,
Уйныйбыз дустым белән.
 

Саф һавада көн дә
Без уйныйбыз уеннар.
Кызыктан-кызыкларын
Уйлап таба апалар.

Районыбызда "Проектирование образовательной программы дошкольных образовательных организаций в условиях внедрения ФГОС" дип аталган проблема буенча Татарстан мәгарифне үстерү институты каршында белем күтәрү курслары оештырылды. Зачетка тәрбиячеләр һәм мөдирләр проектлар әзерләде. Безнең бакчабызда Балтач №1,2,3,4 балалар бакчалары тәрбиячеләре һәм мөдирләре бик эчтәлекле проектлар якладылар, үзләренең эш тәҗрибәсе белән уртаклаштылар.